بلاول نے وزیراعظم کو 24 گھنٹے کا الٹی میٹم دیدیا

 عوامی مارچ کے شرکا سے خطاب کرتے ہوئے بلاول بھٹو کا کہنا تھا کہ وزیراعظم الیکشن میں آئیں، ہمارا مقابلہ کریں، انہیں پتہ لگ جائے گا، ہمارے مارچ سے اسلام آباد والے گھبرا گئے ہیں۔ان کا کہنا تھا کہ عوامی نمائندے سامنے آئیں گے تو وہ ان کے مسائل بھی حل کریں گے،عمران خان خان ایمپائر کی انگلی کی وجہ سے اقتدار میں آئے ہیں اور جاتے جاتے بھی عوام کو نقصان پہنچا رہے ہیں۔بلاول بھٹو کا کہنا تھا کہ گزشتہ روز ہماری موجودگی سے لاہو رگونج اٹھا اوراب ہم اسلام آباد کی طرف جا رہے ہیں، وزیراعظم کے پاس 24 گھنٹے ہیں ، فوری استعفیٰ دیں، وزیراعظم کو پتہ لگ جائے گا کہ عوام کس کےساتھ ہیں؟ان کا کہنا تھا کہ حکومت کا ہروعدہ جھوٹا ثابت ہوا، آئی ایم ایف سے ڈیل کر کے ملک کو مشکل سے دوچار کردیا گیا۔