امریکی شہری کتے کو بچانے کے لیے جنگلی ریچھ سے لڑ پڑا، ویڈیو وائرل

 

امریکی شہری کتے کو بچانے کے لیے جنگلی ریچھ سے لڑ پڑا، ویڈیو وائرل

مالک نے فورا اپنے کتے کو پکڑا اور ریچھ کو بھگانے کی کوشش کی جس کی وجہ سے کتے کی جان بچ گئی،امریکی میڈیا

 امریکی ریاست فلوریڈا میں شہری نے اپنی جان خطرے میں ڈال کر پالتو کتے کو بچا لیا۔امریکی میڈیارپورٹس کے مطابق امریکا سے تعلق رکھنے والے شہری کے گھر میں ریچھ داخل ہوا اور تین پالتو کتوں میں سے ایک کو لے جانے کی کوشش کی جس پر مالک نے حاضر دماغی کا مظاہرہ کیا اور اپنے کتے کو بچا لیا۔مالک نے فورا اپنے کتے کو پکڑا اور ریچھ کو بھگانے کی کوشش کی جس کی وجہ سے کتے کی جان بچ گئی اور جنگلی جانور کو خالی ہاتھ واپس لوٹنا پڑا۔مذکورہ شخص نے بتایا کہ جیسے ہی ریچھ نے کتے کو اپنے جبڑے میں دبایا تو میں نے اسی لمحے اپنے جانور کو پکڑ لیا اور خود کو ریچھ کے سامنے پیش کیا تاکہ وہ کتے کو چھوڑ کر مجھ پر حملہ آور ہو۔امریکی شہری کا کہنا تھا کہ وہ اپنے گھر کے صحن میں خصوصی جال کا حصار لگائے گا تاکہ پھر سے کوئی ریچھ گھر میں داخل نہ ہوسکے۔خیال رہے کہ کتے کو بچانے کے چکر میں مذکورہ شہری کے جسم پر معمولی چوٹیں بھی آئیں۔

امریکا، وفا دار کتیا پولیس کو حادثے کے شکار اپنے مالک تک لے گئی

 

امریکا، وفا دار کتیا پولیس کو حادثے کے شکار اپنے مالک تک لے گئی

امریکا میں ایک کتیا نے پولیس کو ٹریفک حادثے کی جگہ پر رہ نمائی کر کے لے گئی جس پر پولیس بے حد متاثر ہوئی۔ کتیا کا مالک جو ایک ٹریفک حادثے کا شکار ہوا جسم میں درجہ حرارت کم ہونے کے باعث ہائپوتھرمیا کا شکار تھا۔میڈیارپورٹس کے مطابق ٹنسلے ایک سالہ جرمن کتیا نے شمال مشرقی امریکا میں نیو ہیمپشائر اور ورمونٹ کو ملانے والی ایک شاہراہ پر کھڑی تھی۔اس نے گاڑی چلانے والوں کو قانون نافذ کرنے والے اداروں سے رابطہ کرنے کی ترغیب دی۔جب پولیس نے کتیا کو دیکھا اور اسے پکڑنے کی کوشش کی تو ٹنسلے بھاگی اور سکیورٹی افسران اس کا پیچھاکرتے ہوئے ورمونٹ تک پہنچایا جہاں ایک پک اپ ٹرک سڑک پر حفاظتی رکاوٹ سے ٹکرانے سے بری طرح تباہ ہوگیا تھا۔تصادم سے کار میں موجود دو افراد باہر نکل گئے جو ہائپوتھرمیا میں مبتلا تھے، جن میں سے ایک کتیا کا مالک تھا۔نیو ہیمپشائر پولیس نے فیس بک پر لکھا کہ یہ واضح ہو گیا کہ ٹنسلے نے (پولیس)کو جائے وقوعہ اور زخمیوں تک پہنچایا۔

وزیراعظم عمران خان 4 روزہ دورے پر چین پہنچ گئے

  وزیراعظم عمران خان چین کے 4 روزہ دورے پر بیجنگ پہنچ گئے ہیں۔بیجنگ ائیرپورٹ پہنچنے پر چین کے نائب وزیر خارجہ، چینی سفارتی حکام اور چین میں پاکستان کے سفیر معین الحق نے وزیر اعظم کا استقبال کیا۔وزیر خارجہ شاہ محمود قریشی، وزیر اطلاعات فواد چوہدری، وزیر خزانہ شوکت ترین اور مشیر برائے تجارت عبدالرزاق داؤد بھی وزیراعظم کے ہمراہ ہیں۔وفاقی وزیر برائے منصوبہ بندی اسد عمر، مشیر برائے قومی سلامتی معید یوسف اور معاون خصوصی برائے سی پیک خالد مصطفیٰ بھی چین کے دورے پر وزیراعظم کے ساتھ گئے ہیں۔وزیراعظم عمران خان کی چین کے وزیراعظم سے ہفتے کو ملاقات طے ہے جب کہ عمران خان کی چین کے صدر شی جن پنگ سے اتوار کو ملاقات ہونی ہے۔اس کے علاوہ وزیراعظم عمران خان سرمائی اولمپکس کی افتتاحی تقریب میں بھی شریک ہوں گے۔وزیراعظم عمران خان کی اقوام متحدہ کے سیکرٹری جنرل اور غیرملکی سربراہان سے بھی ملاقاتیں شیڈول ہیں۔

موبائل ایسوسی ایشن جتوئی کے عہدیداران کا متفقہ بلا مقابلہ انتخاب

 مظفرگڑھ(بیوروچیف دھنک رنگ)موبائل ایسوسی ایشن جتوئی کے عہدیداران کا متفقہ بلا مقابلہ انتخاب

محمد عامر خان صدر ، جنرل سیکریٹری نوید عباسی منتخب

تفصیلات کے مطابق گزشتہ روز جتوئی موبائل ایسوسی ایشن کے سال 2022 کے لیے امیدواران نے انتخابات ہونے تھے جس میں امیدوار برائے صدارت محمد عامر خان ، امیدوار برائے جنرل سیکریٹری نوید عباسی ، امیدوار برائے نائب صدر یاسر بوسن ، فنانس سیکریٹری شاہد جبار ، انفارمیشن سیکریٹری محمد شہزاد ببر کی جانب سے کاغذات جمع کروائے گئے لیکن کاغذات جمع کروانے کی آخری تاریخ تک ان امیدواران کے مد مقابل جتوئی موبائل ایسوسی ایشن کے کسی بھی نمائندے کی جانب سے الیکشن لڑنے کی خواہش کا اظہار نہیں کیا گیا جس پر جتوئی موبائل ایسوسی ایشن الیکشن کمیشن چیئرمین محمد ریاض گجر نے ان تمام امیدواران کو بلا مقابلہ منتخب ہونے کا اعلان کیا جس پر جتوئی موبائل ایسوسی ایشن کے تمام ممبران نے اتفاق کیا اور خوشی کا اظہار کیا اس پر ممبران نے صحافیوں سے گفتگو کرتے ہوئے کہا کہ محمد عامر خان اور باقی امیدواران کی سابقہ سال کی کارکردگی کو دیکھتے ہوئے ان کے مدمقابل کسی بھی دوست نے کاغذات نامزدگی جمع نہیں کروائے مزید یہ کہ الیکشن کمیشن چیئرمین نے بلا مقابلہ عہدیداران کے انتخابات کا اعلان کر کے پوری یونین کے دل جیت لئے ہیں نومنتخب صدر محمد عامر خان نے صحافیوں سے گفتگو کرتے ہوئے کہا کہ ہم تمام معزز ممبران کا شکریہ ادا کرتے ہیں جنہوں نے ہمارے پورے پینل کو بلا مقابلہ منتخب کر کے ہم پر اعتماد کا اظہار کیا ہم گزشتہ سال کی طرح اس سال بھی پوری تندہی اور بھرپور انداز سے موبائل ایسوسی ایشن کے تمام ممبران کی ہرغمی اور خوشی میں شریک ہونگے اور ہر مشکل میں اپنے چاہنے والوں کے ساتھ کھڑے ہونگے۔

جہاں تک بس چلتا ہے کسانوں کو کنٹرول ریٹ پر کھاد کی فراہمی یقینی بنا رہے ہیں،

 جتوئی:جہاں تک بس چلتا ہے کسانوں کو کنٹرول ریٹ پر کھاد کی فراہمی یقینی بنا رہے ہیں، ضمیر مطمٸن ہے مزید بھی میرے بس میں جتنا ہو گا کاشتکاروں کی فلاح کیلٸے کردار ادا کرونگا ان خیالات کا اظہار محکمہ زراعت توسیع کے فیلڈ اسسٹنٹ عبدالغفور خان جتوٸی نے صحافیوں سے گفتگو کے دوران کیا ہے انہوں نے کہا ہے  کہ ملک بھر کی طرح یونین کونسل جھگی والا میں بھی کھاد کی جتنی کاشتکاروں کو ضرورت ہے اس کے مطابق کھاد علاقہ میں نہیں آ رہی جسکی وجہ سے کاشتکاروں میں تشویش کا پایا جانا ایک حقیقت ہے تاہم ا

فسران بالا کے احکامات پر کھاد کی فراہمی اور سبسڈی کی  ویریفیکیشن کیلٸے دن رات کوشاں ہوں تاکہ ممکنہ حد تک بحران سے نمٹنے میں کاشتکاروں کی امداد کی جا سکے عوام میں پاٸے جانے والے اضطراب کا جواب دیتے ہوٸے انہوں نے کہا ہے سو فیصد رزلٹ کا دعویٰ تو نہیں کر سکتا کیونکہ سو فیصد مطمٸن کوٸی کسی کو نہیں کر سکتا تاہم یہ دعویٰ ضرور کر سکتا ہوں کہ اگر کھاد کا ایک دانہ میں اپنے گھر لے کر گیا ہوں یا کوٸی ایک کاشتکار ثابت کر دے کہ میں نے پیسے لیکر کھاد فراہم کی ہو تو اسکی سزا بھگتنے کیلٸے تیار ہوں جن جن کاشتکاروں کو کھاد فراہم ہو رہی ہے انکا ریکارڈ روزانہ کی بنیاد پر افسران کو دے رہاہوں

کھاد بحران پر قابو پانے سمیت کاشتکاروں کے دیگر معاملات کے حل کیلئے پر عزم ہیں

جتوئی:

کھاد بحران پر قابو پانے سمیت کاشتکاروں کے دیگر معاملات کے حل کیلئے پر عزم ہیں، تمام متعلقہ افسران کو بھر پور انداز سے ضلع بھر کو کھاد کے بحران سے نکالنے کی ہدایت کر دی ہے ان خیالات کا اظہار آج ہی ضلع ساہیوال سے تبدیل ہو کر ڈپٹی ڈائریکٹر زراعت توسیع ضلع مظفرگڑھ کا چارج سنبھالنے والے آفیسر رانا حبیب الرحمن نے  صحافیوں سے گفتگو کے دوران کیا ہے انہوں نے بتایا ہے کہ قبل ازیں ضلع ساہیوال میں بھی کافی حد تک کاشتکاروں کے مسائل حل کرنے کیلئے اپنی خدمات پیش کی ہیں اب بھی سیکریٹری زراعت کی توقعات پر پورا اترنے کی کوشش کرونگا اس سلسلے میں تحصیل جتوئی،  تحصیل علی پور، تحصیل  مظفرگڑھ اور تحصیل کوٹ ادو کے اسسٹنٹ ڈائریکٹرز اور زراعت آفسران کو بھی ہدایات جاری کر دی گئی ہیں واضح رہے کہ حال ہی میں سیکریٹری محمکہ زراعت پنجاب نے مظفرگڑھ میں ڈپٹی ڈائریکٹر کی سیٹ پر رانا حبیب الرحمن جبکہ اسسٹنٹ ڈائریکٹر کی سیٹ پر ملک عبدالرزاق کی تعیناتی کے آرڈر کئے ہیں دونوں سیٹیں قبل ازیں افسران کے تبادلے کی وجہ سے خالی تھیں کاشتکار رہنماؤں رائے سلیم اختر کھیڑا، چوہدری سیف الرحمن، محمد سجاد اشرف قریشی، حاجی ملک صادق محمد ڈوگر ، عبدالغفور خان جتوئی نے دونوں  افسران کی تعیناتی کا خیر مقدم کرتے ہوئے امید ظاہر کی ہے کہ کاشتکاروں کے مسائل کے حل کیلئے مذکورہ افسران حتی الامکان اپنی کوششیں بروئے کار لائیں گے

ڈریپ نے بخار کی دوا پیراسیٹامول کی قیمت بڑھانے کی حامی بھرلی

 ڈرگ ریگولیٹری اتھارٹی آف پاکستان (ڈریپ) نے بخار کی دوا  پیراسیٹامول کی قیمت بڑھانے کی حامی بھرلی۔

قیمت میں اضافے کے بعد ایک ٹیبلٹ کی قیمت 2 روپے 67 پیسے پر پہنچ جائے گی۔ دوا سازوں نے ٹیبلٹ کی قیمت میں ساڑھے تین روپے اضافے کا مطالبہ کیا تھا۔کورونا کے باعث ملک بھر میں طلب بڑھنے پر بخار سے بچاؤ کی دوا پیراسیٹامول کی دستیابی دباؤ کا شکار ہے۔ ڈریپ نے شہریوں سے اضافی پیراسیٹامول گھروں میں ذخیرہ کرنے سے گریز کرنے کی درخواست کی ہے۔

ناظم جوکھیو قتل کیس میں پولیس شامل

 

جوڈیشل مجسٹریٹ ملیر کی عدالت نے ناظم جوکھیو قتل کیس میں پولیس چالان پر فیصلہ محفوظ کرلیا۔جوڈیشل مجسٹریٹ ملیر کی عدالت میں ناظم جوکھیو قتل کیس کی سماعت ہوئی، عدالت  نے کیس کے تفتیشی افسر کی جانب سے جمع کرائےگئے  پولیس چالان پرفریقین کے وکلا کے دلائل مکمل ہونے پر فیصلہ محفوظ کرلیا۔ عدالت نے اپنے حکم میں کہا کہ پولیس چالان منظورکیے جانے سے متعلق فیصلہ 8 فروری کو سنایا جائےگا، مدعی مقدمہ کے وکیل نے دلائل دیتے ہوئے کہا کہ تفتیشی افسر کی جانب سے سات ملزمان کو فہرست سے خارج کرنا بدنیتی ہے۔وکیل کا کہنا تھا کہ مدعی اور ناظم جوکھیو کی بیوہ نے ضابطہ فوجداری کی سیکشن 161 کے تحت ریکارڈ کرائےگئے بیان میں تمام ملزمان کے کردار واضح کیے ہیں، گواہان کے واضح بیانات کے باوجود ملزمان کو ریلیف دیا گیا،ناظم جوکھیو کو اس کے گھر سے مرضی کے برخلاف جام ہاؤس لے جایا گیا تھا، زبردستی جام ہاؤس لے جانے کے باوجود پولیس نے چالان سے اغوا کی دفعہ خارج کردی ۔سرکاری وکیل نے کہا کہ مقدمے کے ابتدائی مرحلے پر ملزمان کو فہرست سے خارج کرنا مناسب نہیں ہے، پولیس تفتیش میں کئی خامیاں واضح نظر آتی ہیں۔خیال رہےکہ مقتول کے بھائی کا الزام ہےکہ پیپلز پارٹی کے ایم پی اے جام اویس کے مہمانوں کے شکار کی ویڈیو وائرل کرنے پر ناظم جوکھیو کو قتل کیا گیا، ناظم کی لاش کراچی کے علاقے ملیر میمن گوٹھ کے قریب گذشتہ سال نومبر میں ملی تھی۔

پنجاب کے سرکاری پرائمری اسکولوں میں بچوں کو مفت کھانا ملےگا

 پنجاب کے وزیر تعلیم مراد راس نے لاہور کے سرکاری پرائمری اسکول سے 'اسکول کھانا پروگرام' کا افتتاح کردیا۔ فیروز پور روڈ لاہور میں سرکاری پرائمری اسکول میں 'اسکول کھانا پروگرام' میں شرکت کے بعد میڈیا سےگفتگو میں مراد راس کا کہنا تھا کہ اسکول کھانا پروگرام کا انعقاد پبلک پرائیویٹ پارٹنر شپ کے تحت کیا جارہا ہے۔صوبائی وزیر تعلیم کا کہنا تھا کہ اس پروگرام کی بدولت طلبا کی صحت میں 77 فیصد تک بہتری دیکھنے میں آئی ہے۔ان کا کہنا تھا کہ ایک سکول کے بچوں کو کھانا فراہم کرنےکے لیے سالانہ 15 لاکھ روپے کے اخراجات درکار ہیں ۔انہوں نے بتایا کہ اسکول کھانا پروگرام کے آغاز سے طلبا کی حاضری میں 33 فیصد اضافہ ہوا ہے۔

کورونا: سعودی عرب نے نئی سفری شرائط کا اعلان کردیا

 جدہ: سعودی عرب نے نئی سفری شرائط کا اعلان کردیا ہے جس کا اطلاق 9 فروری سے ہو جائے گا۔سعودی وزارت داخلہ کے ذرائع کا کہنا ہے کہ 9 فروری سے جو بھی سعودی شہری مملکت سے باہر سفر کرنا چاہتا ہے اسے کورونا وائرس سے بچاؤ کی بوسٹر ڈوز لگوانی ہوگی۔اس کے علاوہ سعودی عرب آنے والے تمام افراد بشمول سعودی شہریوں (چاہے وہ ویکسینیٹڈ ہی کیوں نہ ہوں) کو زیادہ سے زیادہ 48 گھنٹے قبل کیا گیا منفی پی سی آر ٹیسٹ بھی دکھانا ہوگا۔

کورونا کے باعث بیشترکاروبار ٹھپ، ادویات اور طبی آلات بنانے والوں کی چاندی ہوگئی

 کورونا وائرس کی وجہ سے ملک میں بیشترکاروبار ٹھپ ہوکر رہ گئے تاہم ادویات اور طبی آلات بنانے والوں کی چاندی ہوگئی ۔ ایک نجی ادارے کی رپورٹ کےمطابق پاکستان کی فارماسیوٹیکل کمپنیوں نے 2021 میں 521 ارب  25 کروڑ  روپےکمائے ۔رپورٹ کے مطابق سالانہ 20 ارب روپے تک کما نے والی 6 فارماسیوٹیکل کمپنیوں نے کورونا   کے علاج میں استعمال ہونے والے 35 فیصد طبی آلات اور ادویات مارکیٹ میں ڈال کر 13 فیصد ترقی حاصل کی۔ایک دواساز کمپنی نے وٹامنز اور کیلیشم والی گولیاں بنا کر 17 ارب روپے سے زائد کمائے۔پھیپھڑوں کے امراض کے ماہرین کا کہنا ہےکہ کورونا وبا کے دوران قوت مدافعت بڑھانے والی ادویات اور وٹامنز کی گولیاں نایاب ہی رہیں اور مریض قلت کا شکوہ کرتے رہے۔کورونا کے مریضوں اور ان کے لواحقین کا کہنا ہےکہ ادویات کی قلت اور ان کی قیمتوں میں اضافہ معمول بن چکا ہے، حکومت اس معاملے کا سختی سے نوٹس لے۔